PURIM ES UNA FIESTA DE ALEGRIA trezladado al ladino por Simon Geron

Purim es differente.Las Fiestas Judias forman un tiempo de alegría ma en mismo tiempo kontienen un elemento serio.Por seguro ay un Mandamiento de alegria en Pesah,Shavuot i Sukot ke se va al extremo a vezes.Ma la alegría tiene sus limites.Es una alegría seriosa.Mismo kuando Purim es bien observado según las reglas komo azer regalos,tomar la komida de Purim,meldar la Megilla ,azer donasiones a los proves i preparar el Pranzo de Purim,existe una atmosfera extrania kon muncho bruido.Es una kosa ke se exprime de manera differente de lugar en lugar i entre un grupo i el otro.Purim tiene siempre el elemento del djesto.

Parese extranio kuando se pensa ke este dia de alegria tenga detrás un tiempo difísil i amenazante.Los Judios siempre enfrentaron trubles i batallias en manos de djente ke kierian destruirlos i tomar de eyos el pais.Estas gerras no eran diferentes de lo ke otras nasiones tuvieron.Ma lo ke se paso antes de Purim era muy serio. No era una gerra.Era un jenosidio planeado para azer desapareser a los Judios del mundo. Era un Anti Semitismo al extremo.Ma en este kavzo’Haman» termino ser akolgado i todos sus asistentes fueron abatidos.

Por tanto la istoria nos mostra ke este ombre desho atrás munchos disípulos i descendientes.El Anti Semitismo empezo kon Haman i no se termino kon el..Los desendientes de AMALEK estan en vida dainda en el mundo i kresieron a través el tiempo en lugares differentes. Eyos no desaparesieron mismo en un entorno mas avanzado i kosmopolito. El Anti Semitismo se expliko munchas vezes i fue justifikado. Komo razon se dio la kestion de raza ,relijion i kultura. Mismo si avia un exkuso kon tantas explikasiones,esto mostrava ke avia un problem de basa ke no era artikulado.Era «La Kontinuasion Del Puevlo Judio despues de muncho sufrimiento ke duro por miles de anios.» Un misterio illojiko.

Lo mismo se puede desir del Anti Semitismo en si ke era un odio reel i misterioso sin ninguna explikasion.Puedemos defendernos kontra nuestros enemigos ke tienen la razon por detestarnos. Esta defensa puede a vezes topar unas solusiones i yegar a una rekonsiliasión. Porke el Anti Semitismo no es lojiko,existe kisas una defensa kontra esto. Ma eliminarlo o derasinarlo kompletamente no es possible. Durante munchos siglos los Judios utilizaron metodes diferentes para resolver esta kestion. Se asimilaron kompletamente de un lado i krearon un Estado Judio del otro lado. Ma ninguna kosa les ayudo.

Asi nos kedan 2 maneras de responder.Una es azer lo mejor ke se puede para defendernos kontra este mal.De todo modo esto deve ser echo.Asi se deskansa entre las trajedias ke vienen.La otra kosa es reir de eyos i de nosotros.Se rie de la absurdidad del Anti Semitismo i de sus kontradiksiones.Se rie de eyos i de nosotros.La sonrisa es una refleksion de nuestras reaksiones.Kuando nos enfrentamos kon kosas sin solusión uno puede desesperarse,desapareser o reir. Esto no signifika ke tenemos una solusión.El reír kiere dezir»No so parte de esto.Si se puede reír es porke salimos del balagan.Kon la sonrisa salimos de esta istoria irrasional.Del odio de Haman» Nos reímos de Haman,Ahashverosh i de todos ke vinieron después».No mos sentimos kulpables i kon esto se dise»Somos Liberados del líen irrasional del odio de Haman.»

La alegria deve topar su expression en aksion.El Dio no nos kreo komo los otros.Tampoko tenemos el mismo destino ke los otros.Justo komo se alimpia el HAMETS en Pesah,nos alimpiamos también al dentro i desimos»EL DIO NOS ESKOJIO ENTRE TODAS LAS NASIONES.»