Poezia: Arvolés de invierno de Gloria Ascher

Arvolés de invierno,
kon ramas dezmudas
i sekas, paresen
sin vida. Ma mira –
ya ay un nidiko!
I ya stan kresiendo
las florizikas!

Komó hanukías
kon brasos spandidos,
los árvoles rogan
sin boz, i dan grasias
al Dio por la vida.

Gloria Joyce Ascher
En kamino de New York a Hyannis
el 8 de Desembre 2025/18 Kislev 5786

Despues de Purim, platiko! Komo dizia mi madre.
Hanuka ya paso, ma yene vos kero mandar la poezía ke me vino antes de la Fiesta. Espero ke vos va agradar, i ke los nisim, los miraklos mos van a vinir despues de la Fiesta también

Fuente: Ladinokomunita