eSefarad Noticias del Mundo Sefaradi
Haim Vitali Sadacca, que escribió y publicó poesía en turco en sus años jóvenes, ahora compone sólo poesía en ladino, su amada lengua ancestral. Los poemas, elegidos por el propio autor, expresan las aspiraciones universales del alma humana para el amor, el afecto, la compasión, la generosidad, la paz y la armonía. Disfrutaremos en esta sección la habilidad de Haim como poeta y su dominio de la lengua ladina.
Ver todos los artículos de esta sección >>
«Un Amor Platoniko»
Oy estava luvyozo,entri a una libreria
Por meldar empresos i kitar el deskanso del dia.
Vide entrar una senyora de grande elegansya
Ke aze olvidar al ombre la kanserya ,la ansya.
Teniya kaminada de alguna artista famosa
Eya era bien vistida i de kara muy ermosa.
Serka de mi meza metyo su bolso i sus gantes
Mismo sus chikos movimientos estavan elegantes.
En vezes echava una ojada muy fujitiva
Komo mujer kuriosa de saver lo ke yo aziya.
Teniya sonriza enrikisida en su mirada
Ke dava la dulsura de una persona estimada.
Yo un timido,kayado sin mostrar una reaksyon
Era un enflamado por krear una konversasyon.
Subito tomo sus kozas se aparejo por yirse
Teniya el ayre de una ke keriya fuyirse.
Yo me sinti penozo,deskontente de su desizyon
Para mi fue komo un grande golpe de desilusion.
Su siya i su meza piedro el sol de mi alegria
Se amato el plaser ke me dava la libreria.
Mis miradas se entezaron en su meza i siya
Por iluzyonar su kuerpo i su fizionomiya.
En mis suenyos komo si fuera ke biviya kon eya
En su boka una rosa, en sus miradas senteya.
Un amor loko platoniko nasiya en mi vida,
Keria sintirme feliz si mi memorya la olvida.
Haim Vitali Sadacca
Montreal
