eSefarad Noticias del Mundo Sefaradi
Ver todos los artículos de esta sección >>
«La Vida de un Aedado»
Kon miradas deprimidas mirava a sus entornos,
Para inchir sus dias siempre repetava sus tornos.
Seviya kansado, desfuersado kon kaveyos blankos
Se iva a los parkos, se deskansava en los bankos.
Estava leshos de akeas alegrias i kantes,
De sus venas nunka pasava mas la sangre de antes.
Siempre kon sus flakas piernas i su baston en la mano,
Mirava a su deredor desgustozo i en vano.
En su memoria sus amigos ke lo respektavan,
Su esposa i sus keridos ke lo adoravan.
Se viya komo ombre aryento los kastigados,
Komo un kulpavle ke paso su vida kon pekados.
Su bivyenta devino sin gozo, sin ningun buto
Komo el arvole seko ke no da mas su fruto.
Biviya kon esperansa de una salud fina
Esperando akea desizyon de la ley devina.
Se retornava triste kon kavesa enklinada
İ kon ojos nuvlados a su kaza asolada…
Haim Vitali Sadacca
Florida
—————————————————————————————————————————-
Haim Vitali Sadacca, que escribió y publicó poesía en turco en sus años jóvenes, ahora compone sólo poesía en ladino, su amada lengua ancestral. Los poemas, elegidos por el propio autor, expresan las aspiraciones universales del alma humana para el amor, el afecto, la compasión, la generosidad, la paz y la armonía. Disfrutaremos en esta sección la habilidad de Haim como poeta y su dominio de la lengua ladina.
