Poema: PEDRIDA de Renée Behar de Huino

PEDRIDA

Malogrado mar
Malogrado penserio
ke me kita loka

¿kualo hize
para tener kon mí
esta tristeza?

Dejame vivir
komo los pajarós
livres
luzidos

Mándame Patrón del Mundo
el sol del enverano
I no este tiempo yelado
ke empazma mi alma

Yo bien sé
el bien ke tenía
No endenyé tenerlo
Agora mi alma atristada
no topa konsuelo.-

Renée Behar – 4 de abril de 2014, Rumi 10:55