Poema: MUJERIKA de Renée Behar de Huino

MUJERIKA

Tu kara de besajre
me acompaña
en la mesa
dia y noche.
No despepitas palabra

Yo me embeleko
haziendo kumidicas
histajachan

Tu no me avoltas la kara

Yo me embeleko
bodrando tapeticos
finos de hermozos kolores

Tú no me avoltas la kara

Yo me embeleko
komo buena nekochera
ke ansi me ambezo
mi madre
ke el dio la guadre de zar,
Atacanando la kasa

Tú no me avoltas la kara

Efendi, maridito mío
Yo te arresivo cada día
Con kara de risa

Tú no me avoltas la kara

Un día maridito mío
vas a entrar en la kasa
no me vas a topar
Suspirando diras:
Mujerika, mujerika
¿dónde te fuyites?
no puedo vivir sin ti

yo te kero bueno
ma el dio me hizo shevdo
Ven mujerika dulce

Ya toparé el kamino
Para avoltarte la kara.-

Renée Behar de Huino. 8/3/11 día internacional de la mujer.- 13:10