Poema: MUJER DE KADA’LDIA de Beatriz Mazliah

Del libro inédito «TRAPIKOS DEL ALMA» de Beatríz Mazliah

MUJER DE KADA’LDIA

Probe mujer
ke alevanta kada’ldia
su alma
i le da konsuelo.

Kada’ldia,
de manyana matrana
le konta la vieja konseja:
Alma -le dize-
esto es el bivir,
engrandeser ijos,
enviejeser maridos.

Ma l’alma;
ke no’sta sigura,
kada’ldia,
al kavo de la konseja
baila en la kuzina;
batiendo
el dumbelek de su korason.

Beatríz Mazliah

 ,