Poema: LA VENTURA DE LA HIJA de Renée Behar

LA VENTURA DE LA IJA

Hija hermosa sin ventura
Nunca venga a nacer
Esta cantiga la decia mi madre

Desmazalada hijica
Que non topa marido
Cualo hizo ea
De su cara de luna
Solo bondades llegan
Como puede ser
Que el dio patron del mundo
No se apiade de esta hijica tan hermosa

Sabe bodrar, sabe meldar
Entra en la cuzina
Y de sus manos
Todo reluce

Cualo hizo ea
Que el mazal non topa
Ainaraj le echaron de chica
Y la suerte se troco

Metele una matica de ruda
Entre las bragas
Que se fuyan los males
Y que el buen mazal le allegue
Con el nombre del dio.

Hija hermosa sin ventura
Non llegue a nacer.-

   
Renée Behar
2 de marzo de 2011 –  10:55