eSefarad Noticias del Mundo Sefaradi
Kredo de los Anusim
(Modaá de los Anusim)
Odmar Braga
Kreyo en El Senyor Dio Todopoderozo kreador de los syelos i de la tierra i de lo todo ke en uno i en otro lugar se akava.
Kreyo en Vozotro Dio,en la Vuestra santa i bendicha ley;
Kreyo en Vozotro Dio,Senyor úniko Dio vedradero;
Kreyo ke salvase Vuestro puevlo de la Mar i los enimigos afogase;
Kreyo en Vozotro Dio,Senyor ke és el úniko Dio vedradero,ke eres el Rey de los reys,Dio de los diozes,Senyor de los senyores i Padre de los padres.
Portanto yo,Senyor Dio,aspero en Vuestra divina mizerikórdia ke a me puede aver,Senyor,de mos salvar i mos librar de todos los perikolos,lavoros i enkontros malos;
Espero,Senyor Dio,ke me averás de me librar de los ferros de El- Rey,d e el poder de el djuzgo de puertas aleshadas,de el malo vizino en la puerta, de la lashón haRá,de los ojos de la invidia;i mos libra de todo lo ke no puedermos mos librar,ni vengamos a saver,mos libra i mos guadre Grande Dio de Israel;
Mos libre,Senyor Dio,de prizones,ansi komo libraste Vuestro santo profeta Daniel de la meará de los leones;
Mos libra,Senyor Dio,de ódios e invidias komo de David kuando liberaste el de las manos de Saul;
Mos libra,Senyor,de el fuego komo libraste los tres mansebos Ananias,Azarias e Missael;
Mos libra,Senyor,de falsos testemonyos komo liberaste la kasta Suzana de el falso krimen de adultério ;
Salva i libra todo el povo de Israel; Liebramos,Senyor,de el poder de todos los muestros enimigos,ke intesionan mos azer el mal;
Pardonamos Senyor las muestras faltas,las muestras negreguras ,las muestras kulpas,muestros pekados,las muestras faltas i todas las muestras malas pensadas;
Mos libra,Senyor Dio de el enimigo ravyozo, Tu eres Dio imenso,imutávle,i siempre eres Padre Etierno i miserikórdiozo para kon tu puevlo Israel,Dio Adonai. Amén,Senyor, Amén.
