Poema: DIALOGO de Beatriz Mazliah

Del libro inédito «TRAPIKOS DEL ALMA» de Beatríz Mazliah

 

DIALOGO

 

 

Dime ¿ija de ken ers tu?
¿De kualo es ke me miras
kon terneza
desde el fondo de mis ojos?

abuela_madre_nietaKale ke seas
la ija de mi madre,
Luisa; la de l’alma grande
porke tienes su mesmo
mapa de arugas
en el pecho

Kale ke seas
la inyeta de mi abuela,
Viktoria, la de la tristesa mansa,
porke kruza su solombra
por tu frente.

Kale ke seas yo,
la ajena,
ma kon la vida tresdovlada.

Beatríz Mazliah

 ,

Check Also

ENKONTROS DE ALHAD – 12 OKTOBRE 2025 – ESKOJI LA PENDOLA – Balabaya: KAREN SHARHON – Musafira: FERIDE PETILON – A las 13 oras (Arjentina) x Zoom – Mas orarios en el anunsio

Donativo para ayudar a Enkontros de Alhad   ENKONTROS DE ALHAD Avlados en Djudeo-espanyol – …

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.