eSefarad Noticias del Mundo Sefaradi
Pirke Avot en ladino – PEREK 1 por Eliezer Papo
Todo Yisrael, ay a eyos parte a el mundo el vinyen: ke ansi dize el pasuk: i tu puevlo todos eyos djustos, para syempre iridaran tyera, rama de mis plantas. Echa demis manos por seer afermozigado.
Moshe resivyo ley de Sinay, i entregola a Yeoshua, i Yeoshua alos Vyejos, i los Vyejos alas profetas, i las profetas la entregaron a varones de apanyamyento el grande. Eyos disheron tres kozas: seed detenidos enel djuisyo, i azid parar talmidim munchos i azid valyad ala ley.
Shimon el djusto era de romanesidos de varones del apanyamyento grande. El era dizyen: sovre tres kozas el mundo se sostyene, sovre la ley i sovre el firmamyento i sovre gualardonamyento de mersedes.
Antigonos senyor de Soho, resivyo de Shimon el djusto: el era dizyen, seed komo los syervos los ke syerven ael senyor. Non kon kondision por resevir salario, salvo seed komo los syervos los ke syerven ael Senyor, ke non kondision por resevir salario. I seya temor deel kreador sovre vos.
Yose ijo de Yoezer senyor de Cereda i Yose ijo de Yohanan, senyor de Yerushalayim resevyeron de eyos: Yose, ijo de Yoezer senyor de Cereda dizyen: seya tu kaza, kaza de aplazamyento para los savyos. I seye empolvante empolvo de sus pyes. I seye bivyen kon la sed a sus palavras.
Yose, ijo de Yohanan senyor de Yerushalayim dizyen: seya tu kaza avyerta a el espasio, i seyan meskinos djente de tu kaza. I non munchigues avla konla mujer, konsu mujer disheron: kuanta mas i kuanta mas kon mujer desu kompanyero. De aki disheron hahamim, todo el ke monchigua avla kon la mujer, kaza mal para si mizmo, ise balda de palavras de ley i su fin irida geinam.
Yeoshua ijo de Perahya i Nitay el Arbeli resevyeron de eyos. Yeoshua ijo de Perahya dizyen: az ati Ribi i kompara ati haver i sey djuzgan a todo el ombre aparte buena.
Nitay Arbeli dizyen: aleshate de vizino malo. I non te adjuntes a el malo. I non te dezfeuzyes de el mal.
Yeuda, ijo de Tabay i Shimon ijo de Shetah resivyeron de eyos: Yeoshua ijo de Shetah dizyen: non agas ati mizmo komo ordonantes los djuezes, i kuando fueren duenyos de el djuisio parados delantre deti. Seyan en tus ojos komo kondanados. I kuando se esparten delantre deti. Seyan en tus ojos komo buenos. Kuando resevyeron sovre eyos ael djuisio.
Shimon, ijo de Shatah dizyen: seye munchiguan por peshkerir a los testigos. I sey akavidado entus palavras. Kesas, de entre eyos ambezaran por falsar.
Shemaya i Avtalyon resivyeron de eyos, Shemaya dizyen, ama ala ovra, i aborese ael sinyorio. I non te des akonoser ael sinyorio.
Avtalyon dizyen: savyos seed akavidados en vuestras palavras kesas, seredesh ovligados ovligasyon de kativerio. I seredesh kativados a logar de aguas laz males. I biviran los talmidim los venyentes detras devos i muriran. I es ayado nombre de el kreador ezbivlanse.
Ilel i Shamay resevyeron de eyos, Ilel dizyen, sey de sus talmidim de Aaron, aman pas i presigyen pas, aman alas kreansas i aunales ala ley.
El era dizyen: sontraen nombre sedepyerde su nombre. Iel kenon enyade ley setaja. I el kenon deprende ley muerte merese. I el kese syerve kon korona dela ley setaja.
El era dizyen: sino yo para mi, ken para mi. I kuando yo para mi mizmo ke yo. I sino agora kuando.
Shamay dizyen: az tu ley asitiguada, diz poko i az muncho i seye resivyen atodo ombre kon resivimyento de fases ermozas.
Raban Gamliel era dizyen: az ati Ribi, i trate de el safek, ino munchigues por dyezmar omidamyentos.
Shimon su ijo dizyen: todos mis diyas mi krei entre los hahamim i non fayi para el kuerpo mijor del kayar. Inon el meldar es el ikar, salvo la echa, i todo el ke munchigua palavras traye pekado.
Raban Shimon ijo de Gamliel dizyen: sovre tres kozas el mundo se sustyene. Sovre la verdad, i sovre el djuisio, i sovre la pas. Ke ansi dize el pasuk: verdad i djuisio i pas djuzgad en vuestras sevdades.
Ribi Hananya ijo de Akashya dizyen: envelunto el santo bendicho el por mereser a Yisrael. Por tatuo munchigo a eyos ley i enkomendansyas: ke ansi dize el pasuk: envelunto akadosh baruh u por su djustidad: engrandeskaze la ley i enforteskase.
