eSefarad Noticias del Mundo Sefaradi
Keridos Korelijionarios.
En estos dias ke nos estamos aserkando por fíestar el “Pesah” esto bien kontente de aderesarme a vozotros un otra ves i de prezentarvos mis mijores suetos. “VAYOTSÍENU AȘEM MÍMÍTSRAYÍM BEYAD HAZAKA UVÍZROA NETUYA, UVMORA GADOL, UVOTOT UVMOFETÍM ”
La fiesta de “Pesah” no solo ke mos akorda nuestra salvasyon del esklavaje de Ejipto, sino ke es también el fondamento de la egzistenia de nuestra idantidad en todo modo de senso.
Lo ke enfortese este fundamento es la senseridad entre nuestros ko-ermanos, la solidaridad resiproka i la voluntad de komportarmiento komun.
I en este modo avansamos en muestro kamino moral komunamente i non individualamente.
“BÍN’ARENU UVÍZKENENU NELEH, BEVANENU UVÍVNOTENU…
NELEH KÍ HAG AȘEM LANU ”
Todo djuntos kon muestros djovenes, muestros aedados, nuestras famiyas i keridos, kaminamos i andamos komo un kuerpo i un korason en este kamino yeno de moralidad, ke mos alkansa al monte de Sinay kon objekto de sermos meresientes por obtener la santa Tora nuestra guia de vida.
“EN LEHA BEN HORÍN ELA MÍȘEOSEK BATORA”
Siendo ke la salidura del Ejipto forma muesra idantidad, siguro ke la Tora es el fondamento de nuestra libertad espiritual. I lo ke enfortese todo esto no es los eksitos individuales, sino ke es el atadijo fraternal entre los korasones.
No ay dubyo ke i esto depende de poseder la unión bazada sovre el amor de los sielos i la kerensya de hermandad.
I de este modo el “Pesah” ke kontiene los preseptos apropriados en si, es un periodo ke mos aserka a El Todo Poderozo, ke mos da la oportunidad de mostrar nuestra unión i ke mos promete de konsolidar muestra kerensya de ermandad. Ademas; “Pesah” es uno de los periodos los mas konvenivles para transmeter muestra kultura relijioza i sosyala a muestras muevas djenerasiones ke les apresta de obtener su libertad moral i espiritual.
Hahambashi de Turkia
Ahi Evran Cad. No:6 B Blok 42 Maslak 34398 ISTANBUL Tel: (0212) 293 87 94-95 Fax:(0212)244 19 80
e-mail: tic@ticomm.org – hb@musevicemaati.com – www.turkivevahudileri.com
