eSefarad Noticias del Mundo Sefaradi
KOPLAS DE HANUKÁ
Shemuel (Sami) Kaneti
Publikado en la gazeta La Luz de Israel en 1986, re-publikado en Aki Yerushalayim #107
Fiesta memoriala i sembólika ke la resivimos kada anyo kon grande ardor i veluntad;
También, toda famiya djudía asiende las luzes de esta ermoza fiesta, donde eyas mos dan una famoza klaridad.
En su tiempo antigo, una chika kantidad de azete ke dio 8 días konsekutivos sus ermozas luzes en la eskuridad!
Tradisión de todo el puevlo djudió, ke kada anyo se aze su memoria kon una pura eternidad.
Sembolizmo de nuestros avuelos, ansí mos aze rekodrar el grande ombre i el fuerte Matatiá!
I el fue ke disho: Mi kamoha ba-elim Adonay?[1]
Kon estos biervos el dezinyó las inisiales de los Makabim, sus ijos en chika kantidad!
Ansí los eroes de akel tiempo, Yeudá Makabí i sus ermanos ke vensieron a los elénikos sin piadad.
Matatiá i sus sinko ijos kombatieron kon muncho koraje en las tierras del Galil i en el lugar de Modi’in;
Donde los enemigos perdieron sus koraje i enerjía, i non toparon kaminos por onde fuyir.
Este chiko grupo de mansevos ke los yamamos los “Makabim” kombatieron por esta chika nasión i rendieron sus últimas gotas de sus sangre kon muncha gloria!
—
[1] ebreo: “
Ken en los diozes es kom’a ti Adonay?”
Hanuka alegre!
Aldo Sevi,
Ramat-Gan Israel
Fuente: Ladinokomunita
