eSefarad Noticias del Mundo Sefaradi
Keridos amigos i amigas
El daily Telegraph meldí un artikulo sovre «Los Bombones» presentado por «Troy Lennon». Son echos en general de asúkar i tienen poka valor nutritiva. Si uno los toma solamente de ves en kuando esto no aze danyo. Los dulses forman parte de muchas kulturas i se utilizan sovre todo en las fiestas. Es necesario de tener mas informasión sovre lo ke se kome.
Saludes a todos
——————————————————————————-
LOS BONBONES
LA ISTORIA DETRAS
Los ansianos azían el dulse del miel, konsentrando los asukares en frutas dulses. Se utilizava solamente en okasiones espesiales. En 8000 BC empesaron a kultivar la kana de asúkar en Norte Guinea i depues en Sud-Este de Asia, para dar a komer a los animales. Fue refinado en primero en la India en 2500 BC para hazr asúkar. En 250 AD se kayentava o buyia para krear una kosa a chupar komo medisina. Despues esto topo el kamino al Medio Oriente i a Europa. Era un alimento raro i presioso en la India, China i Persia, asta ke los Arabos i Venesianos empesaron a importarlo en kantidades grandes en el Siglo 14. Los bonbones eran favorizados en Europa komo fue en Asia. Durante el Siglo 16, 17 establesieron plantasiones en las kolonias. En el Siglo 18 se kreo un merkado mucho mas grande. Ma el dulse kontinuo a ser tratado komo kosa rara en la klase de ovreros asta el Siglo 20.
KE ES EL BONBON?
Algo chiko echo de asúkar i ayí entra mismo la chokolate i otros dulses. Se yama «Confectionary» en Ingles. La palavra «Lolli Pop» viene del Lolli kitandolo afuera de la lengua para azer «Pop». Los ke lo chupan azen este sonido. En Inglaterra se konose komo «Sweets/Dulces» i en Amerika komo «Candy» una palavra ke viene del Arabo i del Perso.ke signifika «azúcar cristalizada». Los Franseses lo yaman «Bonbon», una palavra ke entro en Ingles.
EL ASPEKTO NUTRITIVO?
Los bonbones kontienen asukar ke viene de las frutas. No ay una problema si se toma en kantidades chikas. Se kema o konsume kon el movimiento i trae enerjia. Ma no tiene elementos nutritivos. Mismo si se mete arientro muezes o vitaminas. El asido ke se produse en la boka, es malo para los dientes. Mismo en otros alimentos se topa asúkar ke es eskondida en forma de preservativos. Mismo para darles savor. Si el puerpo akumula demasiado asúkar kon kalorías eksesivas, no se keman i se konvierten en grasas ke de esto viene el Diabetes.
LA IMPORTANSIA KULTURAL?
Los dulses forman siempre parte de nuestra kultura. Sovre todo en okasiones espesiales. Un egzemplo es el Noel kuando se dekoran los arvoles. Por anyos los medikos dieron komo regalo a las kriaturas bonbones, kuando el tratamiento dava espanto. [En la sinagoga sefardita se echa bonbones al fin del servisio de Shabat a las kriaturas.]
BONBON BUYIDO
Antes se tornava la asukar en likido en buyendo i se deshava refreskar. Se vido ke al yegar a 160 grados se trokava de manera shimika. Los bonbones se azian mas duros en variando la temperatura i en metiendo manteka o leche. Ma el buydo tenia un kontenido mas grande de asúkar.
FONDANT I FUDGE
Son echos de asukar, agua I jelatina. Kontiene mas krema i leche.
JELLIES AND GUMS
Es una otra manera de variar la textura del bonbon. Se buye la asukar en temperaturas mas bashas. Se mete Pektin, Agar-Agar I Jelatine.
Trezladado por Simon Geron
Sydney
——————————
Tuve siempre un penchant por los dulses. Por esta razón me yamavan «Sweet Tooth». Me gustava mas el dulse de nuestro Mundo Oriental i el Gateaux mas sofistikado de Europa. En kontra mi mujer pensando a las kalorías i a la falta del aspekto nutritivo , tuve ke eskonderme siempre para gozar un poko del dulse. En mi opinion si avía una kosa ke gustava a uno, porke no tomarlo, de manera moderado? Tuve siempre enerjía i pensé ke no era tan malo para el individuo. «You only live once». Se bive solo una vez.
Fuente: Ladinokomunita
