Las Notas de Matilda: LO KE S’APEGA por Matilda Koen-Sarano

Ver todos los artikolos de esta seksion >>

LO KE S’APEGA

Un kavedjí traía el kavé a los sarrafim (1), i no fazía muncha atansión si le pagavan djusto o un poko manko.

Le demandava la djente : «Kuanto te sali d’esto? Ya te konviene lavorar ansina?»

El dizía : «E … lo ke s’apega … lo ke s’apega …»

Asta ke un día le disho a un amigo :

«Yo, kuando meto la tavlá, la meto ande sta la moneda. La tavlá tiene debasho koza ke apega … Ansí … lo ke me s’apega … esto es lo ke gano!».

(1) sarrafim : empiegados del banko.

Kada semana, Matilda Koen Sarano mos konta sovre kuentos, muzika i otras kozas ke eya va arekojendo…