eSefarad Noticias del Mundo Sefaradi
Ver todos los artikolos de esta seksion >>
LISION DE KANTO
Un dia en Napoli (Italia) un mansevo se suvio a una meza en un kafe i se metio a kantar una kantiga famoza.
Kuando eskapo de kantar la djente le grito ;»Otra vez!!!»
El mansevo kanto la mizma kantiga otra vez.
La reaksion de la djente fue la mizma:»Otra vez!»
A la tresera vez el mansevo demando:»Yo kanto tanto bien?»
«No!» le disheron «Es ke keremos ke te ambezes la kantiga!»
Kontado por MATILDA KOEN-SARANO- 2020
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…