eSefarad Noticias del Mundo Sefaradi
Ver todos los artikolos de esta seksion >>
LA VIDA DO POR EL RAKI
Un ombre estava ambezado a bever muncho raki i empeso a sintirse mal.
Fue ande el doktor i este le disho: «Mira ke si no vas a bever muncho manko te vas a murir!»
El ombre fue a kaza i bushko de bever manko.
Despues de una semana fue ande el doktor, para amostrarle ke izo sforsos.
Sono a la puerta. Disho:»Kero ver al doktor»
Le disheron: «El doktor se murio.»
«El doktor se murio?!!!…» disho el i korrio a kaza, la yamo a la mujer i le disho:» Trae el raki! Muera pato, muera arto!»
Kontado por MATILDA KOEN-SARANO -2020
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
