Las Notas de Matilda: LA VALOR DE LAS KOZAS por Matilda Koen Sarano

Un ombre hazino está echado en el espital i la mujer está asentada al lado de él.

Entra un doktor i dize ke se deve trokarle el meoyo.

«Kuanto kosta?» demanda la mujer.

Dize el doktor: «El meoyo de un ovrero kosta 200 dolares. El meoyo de un empiegado kosta 500 dolares. El meoyo de un direktor kosta 10,000 dolares.»

La mujer se maraviya: «Deké el meoyo de un direktor es este karar de karo?»

Le dize el doktor:»Porké es un meoyo ke no estuvo nunka en uzo i parese muevo.»

Kontado por MALKA KALDERON – 2017
Traduizido i redaktado por MATILDA KOEN-SARANO

Kada semana, Matilda Koen Sarano mos konta sovre kuentos, muzika i otras kozas ke eya va arekojendo…