Las Notas de Matilda: La Mar de la Sal por Matilda Koen-Sarano

Ver todos los artikolos de esta seksion >>

La Mar de la Sal

Un ombre esta asentado al bodre de la Mar de la Sal kon la trata.

Pasa un ombre i le demanda: «Dime, kualo estas aziendo aki kon la trata?

Le responde el ke esta peshkando: » Yo esto dezesperado. Yo kale ke trayga kumida a kaza. No tengo paras, por esto esto, bushkando de aferrar pishkados.

Por piada el ombre kita de la aldukera 200 shekel se las da i se va.

Despues de unos kuantos metros se abolta i grita al ombre ke esta peshkando:» Porke estas kontinuando? No ay pishkados en la Mar de la Sal!»

Le responde el peshkador : «Porke no ay? Tu sos mi treser pishkado oy!!»

Kontado por NADIA ZOMORATI – 2020
Notado por MATILDAKOEN-SARANO

 

Kada semana, Matilda Koen Sarano mos konta sovre kuentos, muzika i otras kozas ke eya va arekojendo…