eSefarad Noticias del Mundo Sefaradi
Pagamiento a kondisión
Un djidió i su mujer estavan en viaje i tuvieron de pasar la noche en un otel.
El patrón del otel ke no tinía simpatía por los djidiós, les aprontó un kuento salado.
Kuando vinieron a pagar le prezentó al marido el kuento del 4,000 dolares.
«Kualo es esto?» le demandó el djidió.
«Sinyor,» le disho el patrón del otel,»mozotros akí tenemos un kampo de tenis, i son 500 dolares, una pisina i son 800 dolares, un salón de masaj profesional i son 900 dolares i un djakuzi i son 800 dolares i la nochada 1,000 dolares.»
«Ma yo no uzí nada de todo esto!…»
«Uzaras! Esto es tu problema!» le disho el patrón del otel kon despresio.
El djidió se apartó un punto kon la mujer i fue ande el patrón del otel i le disho:
«Tú me deves 1,200 dolares. Mi mujer aze la profesión mas antika del mundo i toma 400 dolares por noche.»
«Ma, sinyor!» gritó el patrón del otel, «Yo no me echí kon tu mujer!»
«Te echaras! Esto es tu problema!» le disho el djidió, riyendo debasho de los mustachos. Le dio los 1,000 dolares i eyos se fueron.
Kontado por ELISHEVA VENTURA – 2017
Traduizido i redaktado por MATILDA KOEN-SARANO
———————————————————————-
Kada semana, Matilda Koen Sarano mos konta sovre kuentos, muzika i otras kozas ke eya va arekojendo…
