Las Notas de Matilda: KUANTOS SON? por Matilda Koen-Sarano

Ver todos los artikolos de esta seksion >>

 KUANTOS SON?

Djako se kazó i kere dizirselo  a la madre:

«Mama, la otra semana me kazí i kero vinir kon mi famiya a pasar el shabat ande vozotros»

-Vini sovre la kavesa»

«Mama, yo me kazi kon una kita. Tiene dos ijikos i una ijika  i otra tenemos los dos mamá, ande mos vas  a echar? »

-«Tu i tu mujer vos vash a echar en muetra kamareta de echar. Toma i la chika enjuntos. Los dos ijikos se van a echar en el salon, la ijika en tu kamaretika…»

«Tu i el papa ande vos vash a echar? »

-«Yo i el papa mos vamos a echar de la ventana»

Kontado por MATILDA KOEN-SARANO – 2020

Kada semana, Matilda Koen Sarano mos konta sovre kuentos, muzika i otras kozas ke eya va arekojendo…