eSefarad Noticias del Mundo Sefaradi
En la tadrada en Bet Avot Rekanati parteseparon Las Estreyikas de Estambol dirijidas de Izzet Bana.
Estos chikos ke vesh, asegun mos dize Izzet, es la kuartena jenerasion de Las Estreyikas, ke se fondo en 2004.
En primero vash a oyer a Roni Aranya, direktor del Bet Avot, azer la bienvenida en ebreo, i despues a Selim Salti en ladino, i felisitasiones a Karen Gerson, ke fue akordada onor de Fransia. I despues los kantes kon las Estreyikas.
Vos kero dizir ke «Yohay el Chiko» ke sintish, era poema de Matilda Koen Sarano, kon melodia kompozada de Judy Frankel (z’l).
Rengrasiamos a muestros amigos: Izzet Bana por el grande i ermozo lavoro ke aze kon las kriaturas para ke se ambezen muestros kantes i muestra lingua, al Sr. Sustiel ke las metio en Internet y a Rachel Amado Bortnick ke mos dio a konoser esto.
