eSefarad Noticias del Mundo Sefaradi
Keridos, Keridas
En este anyo ke selebramos los 15 anyos del grupo Estreyikas d’Estambol, tambien en estos omentos ke estamos en kaza en kavzo de esta pandemia, me trusho azer el projekto imposible ke pensava antes de estos diyas: Fraguar un grupo de Estreyikas en el mundo entero.
En la sivdad ke keren kantar alguna kantika un ijiko o una ijika de 9 a 18 anyos kon su estrumento o sin estrumento lo/la vamos a amostrar en este sitio.
Por egzemplo vos amostro un ijiko ke kanto de la Gresya / Saloniko
Vos aspero ke bushkesh algunos ijikos/as de vuestros paryentes o de vuestros amigos si saven kantar ke mo los agan konoser.
Este modo va azer un ayudo mas a la kultura ke tenemos Sefaradi.
Izzet Israel Bana de Estambol
11.11.2020
