eSefarad Noticias del Mundo Sefaradi
Agora muestras sinagogas tambien tienen una plasa. La Plasa se yama «Moris Bencuya – Plasa de las Sinagogas«.
No se ke espasyo publiko fue el ultimo ke tuvo un nombre djudyo, ama la Plasa de las Sinagogas es un gran prestij i una razon de orgulyo para muestra komunita.
El lavoro para realizar este projekto tomo kuatro anyos kon munchas suvidas i bashadas. Agora podemos avlar de la Kaleja de la Sinagoga (el bazar) i de la Plasa de la Sinagoga endjuntos kon las sinagogas, kon la fabrika de vino kasher de Halifa Politi kon la taverna de Yosef Aslan i muncho mas ke apartiene a muestra istoria en İzmir. De una manera, estamos resusitando esta djudería i vamos a segir aziendolo.
Kero agradeser a todos ke me ayudaron para realizar este projekto.
Para vijitar las Sinagogas de Izmir se deve tener permision de Fundasion de la Komunita Djudya de Izmir.
Ebruli Turismo aze este tramite. ken kera azer la vijita se deve de meter en kontakto kon mozotros.
ebrulitur@ebruliturizm.com.tr
WhatsApp: 0 (549) 717 17 40
Telephone: 90 (232) 463 60 43 – 90 (232) 464 07 18
Nesim Bencoya
Fuente: Ladinokomunita
