eSefarad Noticias del Mundo Sefaradi
Ver todos los artículos de esta sección
Un disko muevo en judeoespanyol
La Autoridad Nasionala del Ladino kumplio en estos dias un proyekto de kantigas para chikos.
El disko kontiene 16 kantigitas ebreas de chikez, traduizidas al judeoespanyol por el Prof. Shmuel Refael.
Hani Nahmias fue la produktora de este proyekto, i eya kanta tambien (djuntos kon Irit Anavi) estas pekenyas kantigas, ke eran (i ayinda son), muy populares en Israel.
Aki vos do el enlase kon los kantes:
Agora veremos komo, i a tanto, muestro publiko apresiara (i merkara) este disko.
Anyada buena i klara a todo Yisrael!
Yehuda Hatsvi
Erets Yisrael
Fuente: Ladinokomunita
En esta seksion, muestro kerido amigo Yehuda Hatsvi un estudiozo de la tradision, del penamiento djudio i de la Ley, va a partajar kon todos mozotros sovre variados temas desde su punto de vista djudio i sefaradí. Yehuda es aresivido en Ekonomia de la Universita de Tel Aviv, puvliko un libro de istorias folklorikas sefaradíes para ninyos, sus artikolos i konsejas aparesen en munchas puvlikasiones komo por eksemplo Aki Yerushalayim i El Amaneser, i es uno de los moderadores de Ladinokomunita.
