eSefarad Noticias del Mundo Sefaradi
Ver todos los artículos de esta sección
En una eskola en Herzliya, a la sala del direktor de la eskola, me atiro un kuadro kon el sigiente teksto (en ebreo). Vos do aki mi traduksion libre:
TRES KOLADORES
Uno vino ande Sokrates i le disho: – “Ya oyites lo ke dizen por tu amigo?”
– “No”, respondio Sokrates, “ma antes de todo, dime: ya pasates el rumor por los tres koladores?”
– “Koladores, ke?” demando el vijitador
– “El primer es el kolador de la verdad. Ya estas seguro ke lo ke me keres kontar por mi amigo es la pura verdad?”
– “Veramente, no se. Apenas lo sinti de mi vizino”
– “Entonses te dire por el segundo kolador. Es el kolador de lo pozitivo. Lo ke me keres kontar por mi amigo, es alguna buena novedad?”
– “No, no. Al kontraryo. Es una koza mala, terrivle! i ke es el treser kolador?”
– “El treser es el kolador de lo nesesario. Ay algun menester por kontarme el terrivle rumor, ke es afillu dudozo si sera verdad?”
El vijitador kedo enkantado por un momento, despues disho: – “No. No es tan nesesario”.
– “Entonses, kayate!” disho Sokrates.
* * *
Todo bueno ke tengash!
Yehuda Hatsvi
Israel
En esta seksion, muestro kerido amigo Yehuda Hatsvi un estudiozo de la tradision, del penamiento djudio i de la Ley, va a partajar kon todos mozotros sovre variados temas desde su punto de vista djudio i sefaradí. Yehuda es aresivido en Ekonomia de la Universita de Tel Aviv, puvliko un libro de istorias folklorikas sefaradíes para ninyos, sus artikolos i konsejas aparesen en munchas puvlikasiones komo por eksemplo Aki Yerushalayim i El Amaneser, i es uno de los moderadores de Ladinokomunit.
