La boz de Yehuda | Kantes ebreos en el Imperio Otomano por Yehuda Hatsvi

Ver todos los artículos de esta sección

En Israel egziste un proyekto yamado Zemereshet, fondado kon el buto de salvaguadrar los kantes, eskritos i kantados en ebreo, desde la ultima dekada del siglo 19, asta los primeros dias del Estado de Israel.

Antes tiempo, la Dra. Rivka Havassy me izo a konoser mas de serka al proyekto Zemereshet. Ayi les avia mandado sinko gravasiones mias de kantigas de ninios (las ke fueron kantadas en las eskolas judias de Salonik).

Mezo los sinko (5) primeros enlases ke vos do aki, podesh eskuchar a talas kantigitas.

En el sejen enlase toparesh la gravasion de un paragrafo de kantiga para ninios, de boka de Zadik Refael, (ke la avia ambezado de su padre Haim Refael z”l, tambien de Salonik).

http://www.zemereshet.co.il/song.asp?id=12226

http://www.zemereshet.co.il/song.asp?id=2625&artist=3425

http://www.zemereshet.co.il/song.asp?id=12262

http://www.zemereshet.co.il/song.asp?id=12263

https://www.zemereshet.co.il/song.asp?id=12279

https://www.zemereshet.co.il/artist.asp?id=3495

Keridos amigos vos rogo de mandar gravasiones de kantes ebreos ke savesh de vuestra chikez. Me parese importante de tener mas gravasiones de todas partes del Imperio Otomano, para embiyarlas eventualmente a Zemereshet kon la intension de azerlas aksesibles para el publiko de oy, i bien guadradas para muestras jenerasiones en el futuro.

Yehuda Hatsvi
Israel

En esta seksion, muestro kerido amigo Yehuda Hatsvi un estudiozo de la tradision, del penamiento djudio i de la Ley, va a partajar kon todos mozotros sovre variados temas desde su punto de vista djudio i sefaradí. Yehuda es aresivido en Ekonomia de la Universita de Tel Aviv, puvliko un libro de istorias folklorikas sefaradíes para ninyos, sus artikolos i konsejas aparesen en munchas puvlikasiones komo por eksemplo Aki Yerushalayim i El Amaneser, i es uno de los moderadores de Ladinokomunit.