eSefarad Noticias del Mundo Sefaradi
Ver todos los artículos de esta sección
Monologo de un viejo
Mira, kerida mujer, abolta tu kara.
Ves el banko a la punta de la shara?
Me parese ser, aman, si no me yerro,
ande gostimos muestro primo bezo.
El sol empesa a banyarse en la mar,
i sovre este banko se asenta oy otro par;
el i eya, ke tiernos, djovenos, ermozos,
se toman las manos, alegres, gozozos…
…Bueno, no te atristes kerida mia,
sanki ya paso muestro dia:
Este par, i akel mezmo banko
yo no lo veo manko
ke un buen siman, un senyal,
ke muestro amor bive, es eternal.
* * *
Semanada buena!
Yehuda Hatsvi
Erets Yisrael
————————————————
Fuente: Ladinokomunita
En esta seksion, muestro kerido amigo Yehuda Hatsvi un estudiozo de la tradision, del penamiento djudio i de la Ley, va a partajar kon todos mozotros sovre variados temas desde su punto de vista djudio i sefaradí. Yehuda es aresivido en Ekonomia de la Universita de Tel Aviv, puvliko un libro de istorias folklorikas sefaradíes para ninyos, sus artikolos i konsejas aparesen en munchas puvlikasiones komo por eksemplo Aki Yerushalayim i El Amaneser, i es uno de los moderadores de Ladinokomunit.
