eSefarad Noticias del Mundo Sefaradi
El dia de martes, 22 de Novembre fueron entregadas 2 medalias de la Orden del Merito Civil (de Espania) muestros keridos amigos Moshe Shaul i a la Dra Shoshana Weich Shahak, por sus lavoro de largos anyos para el mantenimiento i la difuzion del djudeoespanyol i su kultura para Moshe, i de la muzika sefaradi para Shoshana.
Fue una seremonia muy esmoviente en la kuala el embasador, Don Fernando Carderera, dio lektura de las razones por las kualas fue desidido de onorarlos de esta manera, despues de lo kualo les agrafo la medalia i les dio el diploma firmado por el rey Felipe el mizmo, ke es el Gran Maestre de la Orden.
La seremonia tuvo lugar en la rezidensia del embasador, en Herzlia Pituah, en prezensia de los miembros de sus famiyas ansi ke amigos, kolaboradores i figuras eminentes de la komunidad sefaradi.
Aki en basho unas kuantas fotos de este grande onor para muestros amigos:
El embasador da lektura de las razones de esta kondekorasion
El embasador kon Moshe Shaul i la Doktora Shoshana Weich-Shahak
Palavras del embasador a la Doktora Shoshana Weich-Shahak
Palavras de agradesimiento de Moshe Shaul
Dra. Shoshana Weich-Shahak
De siedra a derecha: Dr. Shmuel Rafael, el embasador, Moshe Shaul i el Dr Selim Salti, Prezidente del Centro Salti para el Estudio del Ladino i su Kultura.
Mazal tov a Moshe y a Shoshana! y ¡como se lo merecen!
Felicidades a Moshe y Susana que han dedicado tantos años al estudio de la cultura judeo-española. ¡Kol hakavod!
Verdaderamente emocionante. Felicidades de corazon a los dos que verdaderamente se merecen el honor