eSefarad Noticias del Mundo Sefaradi
Keridos amigos i amigas, el evenimiento AVLALADINO esta kontinuando.
Estamos avlando en judeoespanyol, nadando a las onduras de las nostaljias, kontando kuentos i konsejas, akodrando de reflanes, parfumando de las golores de las komidas i kantando kantikas.
No solo esto, i mas: Estamos emprovizando piesas teatralas kurtas en ladino.
El grupo se esta aunandouna vez en las dos semanas, dia de alhad, entre 17:30 i 19:00 en el buro de la komunita de los sefaradim i de los orientalos en Yerushalayim, en la kaleja Harav Kuk 8, el etaj 5 en Yerushalayim.
La partisipasion es debaldes i no kosta paras.
Las datas proksimas son 1/5, 15/5 i 29/5
Estash envitados, me va alegrar vervos.
ALBERT ISRAEL
