ENTREVISTA KON «NANCY SPIELBERG» ERMANA DE STEVEN SPIELBERG trezladado al ladino por Simon Geron

Keridos amigos i amigas

——————————————————————————-

ENTREVISTA KON «NANCY SPIELBERG» ERMANA DE STEVEN SPIELBERG

Nancy dize «So una de los Spielbergs, la ermana chika de Steven i ago tambien filmos.» Avlando por la primera vez desde la muerte de su madre «Leah Adler» el mes pasado a la edad de 97 anyos, dize ke su ermano benefisio muncho de sus 3 ermanas «Nancy, Sue i Anne». La madre tenia la alma de una aventurera. Amava a sus kriaturas i los deshava azer lo ke kerian. Nancy kijo ser kontadora de kuentos. La madre le dizia «Si keres azer algo en la vida, korre detrás tu ideal». Sus kriaturas izieron exaktamente esto. Anne eskrivio para la eshena, Sue se izo mujer de komersio i Nancy entro en le industria de filmes.

Avlando de la chikez ke tuvo en Arizona, eya disho «Nos engrandesimos desnudos, sin sapatos. Ma no tuvimos un livro de reglas i esto nos izo aventureros. «Un proyekto era de amusar a las kriaturas en el vezindado. Steven se Iva a la librería para alkilar filmos, yo lavava las savanas de los parientes i kuando se mostravan los filmos, Steven los dirijía, Ninguno puedia dizir «no» a Steven. Kuantas vezes me murí en estos filmos?»

El Barrio ande bivían los Spielbergs era orrible. Las otras kriaturas rovavan sus jugetes, les davan espanto i no eran relijiosos. Las kriaturas estavan kozinando puerko i langostas. El solo tiempo ke se pensava de ser Judios era kuando los vizinos les azían akodrar. A Nancy le tomo un tiempo para sentirse komoda komo Judia. Los Spielbergs no akseptavan siempre el abuso. Una noche Steven se fue afuera i metio manteka de kakauetas en las ventanas de los vizinos. Todos se reían de eyos. Kuando venían a kesharsen la madre les dizia ke las kriaturas no tenian la kulpa.

A la edad de 18 anyos Nancy se fue a Los Angeles para estudiar en UCLA i esto fue el empesijo de la evolusión de su identidad Judía. Desho el kolejio i se fue a bivir en el Kibbutz «Be’erot Yitshak» kon su ermana Sue. Despues se kazo kon «Katz Shimon» un Judio Bueno. Era el ijo del Rabino. Nancy dize «Trushe al mundo 2 kriaturas i me aseguro ke tengan una Edukasión Judia para ke no sufren de no apartenir a una komunidad. Ensima de su konneksión kon el Judaísmo, la kariera de Nancy evoluó i kontinuo también a eskrivir istorias. Nunka pensava de azer filmos porke su ermano los azia. El problem de ser un Spielberg es ke todos esperan de ti algo. Tuvo mucha experiensia lavorando kon los filmos, ma fue siempre de leshos. Se eskondía en un kanton oskuro para ke no la vean.

Un día resivió un e/mail para ir a los funerales de «Schawimmer» ke era el padre de la Fuerza Aerea de Israel. Tuvo sorpresa grande al oir ke un Pilot Amerikano avía kreado la Fuerza Aérea de Israel. Se fue a ver la Direktrisa «Roberta Grossman» ke venia de ganar premios en los festivales. Fue ansi ke se metieron a preparar unos dokumentales de pilotes ke sovrebivieron en la kamera i ke tenian oy mas de 90 anyos i no les kedava bastante vidas. Era interesante de oir sus istorias i transmitirlas al publiko. Steven la yamo para dizirle ke su resushita le trusho lagrimas a sus ojos. Fue ansi ke Nancy entro en la kariera de filmos.

Su proximo proyecko fue «The Map/La mapa» segido por la Istoria de «Maccabi-Tel Aviv Basketball». Munchos Ekipos Evropeos no rekonosieron el derecho de Israel de existir.

Oy Nancy aze el filmo «Who Will Write Our Story?» Es la istoria de un sekreto enterrado en los archivos del Getto de Varsovia. Sus residentes viendo ke no Ivan a sovrebivir se harvaron. «Emanuel Ringelblum» rekojo i enterro 30.000 pajinas de testimonio en kashas de leche. Kerian ke uno las tope un día. Ke la verdad salga afuera i ke los Alemanes no konten sus versiones. Nancy venia de vijitar Varsovia i ayí se enkontró kon una mujer Judía ke era la ija de una ke avía bivido en el Getto. En el filmo de Nancy aparese la inieta de esta mujer. Nancy dize «Son este tipo de istorias ke keremos ke entren en las eskolas i universidades, para ke no sean perdidas. Eya es kontra los ke azen la Propaganda Anti-Israel. Pensa ke devemos kombatirla. Los dokumentos forman parte de este esforso. Nos kaye soportar a Israel porke es nuestra patria.

La madre estava devastada i esta situasión afektó su salud i se murió en 1943 a la edad de 36 anyos. Lilly i Fredi eran agora orfelinos sin estado i tenian ke reportar al offisio del governo kon sus papeles una vez kada mes. En 1944 «Heinrich Himmler» estava en karga del «Problem Judio» en la Hungaria. Todos los residentes Judios de la Kompanyia fueron embiados a Auschwitz i a los de Budapest los metieron en Kampos de Lavoro. Después de un mes se anunsió ke todos los Judios entre 16 i 60 anios tenían ke ser asemblados en el Sitio de Deportes. Les disheron ke ivan a marchar. A ke destino? No se savia. En la primera noche, 250 personas durmieron en el suelo en una fabrika abandonada. La marcha kontinuo i esta ves durmieron en el suelo de las fermas, sin lecho i komida. Tuvieron ke arrankar los raízes de zanahoria i patatas de la tierra fría. La tia de Lilly «Irmus» komo tenia talones altos en sus sapatos, tuvo sangre en los pies al treser día. El SS forsava a todos a kaminar i si no puedian, los matavan. Un Fermero tuvo piedad i eskondió la tia i a Lilly en su kasa i después las metio en un treno para ke se tornen atrás a Budapest. Les avía dado la Karta de Identidad de su mujer.

Despues de 5 dias sin komer I bever los sovrebivientes yegaron al Kazal de GONDU. Un soldado los miro i seleksiono a los mas joven i flakos para embiarlos atrás a la aivdad. 30 de eyos se fueron a Budapest i 5 días después Lilly se metio a bushkar a su ermano Fredi en el Getto Judio. En 24 Disiembre 1944 «Raoul Wallenberg» entro en el getto i tomo unos kuantos Judios a las Kasas de Proteksión. Kon todo el bombardeo i los soldados Alemanes kaminando por las kayes se sentían mas en seguro en el getto. Ademas ninguno avlava el Aleman i Lilly tuvo ke tradusir del Aleman al Hungaro. Asi se fue eya kon Wallenberg a un lugar mas seguro, sin tener los papeles ofisiales. Un dia sonaron las sirenas i se oyeron las bombas kayendo. Lilly estava separada de su grupo. Eya no tenia konfiansa en los soldados Rusos.

En 14 Enero vido a los primeros soldados Rusos. Los Judios estavan alegres i kontentes. Ma, una kosa inesperada se paso i 3 soldados Rusos la violaron i la desharon abandonada en un apartamento ke fue bombardeado. Kamino por 2 días i se fue al getto por detrás de la Armada Rusa. Topo ayí a Irmus, a su prima «Elsa i a su avuela. Se bezaron i abrasaron. A Fredi lo topo en un almazen. El Geto estava yeno de muertos i avían enfermedades komo Tifus. Avian piojos i suziedades. Ella venia de atrapar la Gonoria. Komo no tenían nada para komer se vido forsada a romper las vitrinas i rovar unos alimentos. Después eya kon Irmus se fueron a la Kompanyia para trokar sus joyas i vestidos kontra patatas i aroz.

Al fin de 1945 el tio de Lilly «Sandor» topo la famiya a través La Kruz Kolorada. Los invito a venir a la Australia. Lo akseptaron de korasón i kerian irsen lo mas leshos possible de la Europa.Sandor les embío paketos de alimentos i ke faltava en Europa. Vinieron a la Australia en 1947.

Oy después de 70 anyos Lilly tiene 2 ijas, 4 inietos i un messaje a dar a la Komunidad Judía «Pensar de manera positiva i no pasar el tiempo, pensando al pasado. Ser jentil entre uno i el otro»

Trezladado por Simon Geron
Sydney

Fuente: Ladinokomunita