eSefarad Noticias del Mundo Sefaradi
Keridas amigas i keridos amigos,
El evenimiento AVLADINO esta kontinuando por el seshen anyo. Estamoz avlando en djudeoespaniol, nadando a las onduras de las nostaljias, kontando kuentos i konsejas, akodrando de reflanes, parfumeando de las aromas de las komidas i kantando kantikas «de kaza».
No solo esto i mas: Estamos improvizando piesas teatralas kurtas en djudeoespaniol.
El grupo se esta aunando una vez en las dos semanas, dia de alhad, entre 17.30 i 19.00, en la sala de «La Komunita de los Sefaradim i de los Orientalos en Yerushalayim», la kaleja Harav Kuk numero 8, el etaj 5 en Yerushalayim.
La partisipasion es debaldes (gratis).
Las datas proksimas son: 22/9, 6/10, 27/10, 10/11, 24/11, 8/12, 22/12
Estash envitados, me va alegrar a vervos.
ALBERT ISRAEL
