eSefarad Noticias del Mundo Sefaradi
Entrevista a la Periodista Andrea Carrera Hurtado: Las linguas semítikas, una visión amplia sovre el estudio de linguas evrea i árave. Konversamos en muestros estudios de Radio Exterior de España kon Andrea, Periodista, kon estudios de Filología Semítica en la Universidad de Granada i Máster de Reporterismo Internacional en Rtve. Su idea para ambezar estas linguas. La eksperiensia de un viashe para aprender las linguas semítikas, aondamos en la gastronomía sefardí i su base en Sefarad. Avlamos sovre la Djudería de Cáceres, ke konserva muy bien su patrimonio material en lo ke toka a las Djuderías. Mos tresladamos a la poesía sefardí kon un enshemplo de poesía kontemporánea «Arvolés de Cáceres» (Viviana Rajel Barnatán, Piano Darío Meta) ke mos yeva a Cáceres, ke apartiene a la Red de Juderías de España, sivdad onde nasió Andrea i eyia mos eskplika las diferensias de las Djuderías, Mueva i Viesha i a ke se dedikavan los djudiós de Cáceres antes de la ekspulsión de 1492. Munchos más temas en una esmoviente entrevista ke mos yeva traverso las linguas semítikas en verso un ancho avaniko de sentimientos i bivensias sovre la ensenyanza de la lingua djudeoespanyola, la kultura, istoria i múzika sefardí. Kurunamos el programa kon un viesho provervio sefardí trokado en kante «Mazal» (Suerte) en la versión de la kantadera de Brasil, Fortuna.
.
________________________________________________
DOMINGOS A LAS 22.30 HORAS, MARTES A LAS 18.30 HORAS UTC.
La «Emisión Sefarad» es un programa kultural de radio, en lingua sefardí o djudeo-espanyol, que se siente kada lunes enverso Oriente Medio i Mediterráneo i los martes enverso América Norte i Sur. Sefarad es uno de los nomvres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan. Rajel Barnatán, apareja i prezenta las emisiones i sus kontenido por entero: entrevistas, presonajes, folklor i múzika de ancha diversidad, aktividades, tradisiones, literaturas i una lingüístika atada a la kultura ke tyene sus raízes en Espanya. Ansí «Emisión Sefarad» guadra el trezoro poétiko de los S X al XII en uno de los grandes patrimonios kulturales entregados a la umanidad. Ansiemzmo la kreasión kontemporánea arrebive en muestros días i atira el intereso de oyentes de diversos lugares i paízes.
