EMISIÓN en SEFARDÍ – Ekskavasiones Sinagoga Belchite: Arkeólogo Alfonso Fanjul – 19/10/2025

La Sinagoga de Belchite, sus restos arkeolójikos kon entrevista al Arkeólogo Alfonso Fanjul

Noticias culturales sefardíes: Huellas y Patrimonio cultural de los judíos para el Turismo de la Comunidad de Madrid. Miércoles 22 de Octubre, Centro Sefarad-Israel.

Ofresemos un programa sovre las deskuvertas arkeolójikas importantes en serka en la Sinagoga Medieval de Belchite (Zaragoza, Aragón). Entrevista a Alfonso Fanjul, Arkeólogo a la kaveza de las ekskavasiones en Belchite ke mos kontará kon detalyos, los restos topados, ke kontan kon la partikolaritá de toparse en buen estado, una Sinagoga ke los vizinos del puevlo konosían de su eksistensia desde sus antepazados. «A Sinoa» ansí la yamavan, es un kavso muy destakado i importante sovre restos de una Bima i Tevá (partes prinsipales de una Sinagoga) onde tambyén se topó el disenyo de un kandelavro de siete brasos i, disenyo ke tambyén se topa en la Sinagoga de Híjar. Destakamos ke soltanto eksisten 4 Sinagogas Medievales topadas en Sefarad, esta es la numeró sinko.

Konosemos de prima mano komprovasiones shientífikas, i datos arkeolójikos ke amostran el trezoro material del pazado djudió ke guadrava la tiera de Belchite, este chiko puevlo de Zaragoza en Aragón, ke traverso el interezo de su Alcalde, Carmelo Pérez, ke ya entrevistamos en muestro programa yeva una metodolojía arkeolójika espeshífika desde anyadas atrás para amostrar el pazado material djudió i prezentarlo en el turismo de oy en Belchite, para el konosimiento de los vizinos de Belchite, de Zaragoza i de todo Sefarad. Kurunamos el programa kon un afamado kante del siklo de la vida en la tradisión oral de las Komunidades Sefardim «A la una yo nací», versión de Esther Ackermann. Aondando en las investigasiones se konose la istoria, en Emisión Sefarad, te la kontamos en base a la vedrá istórika dokumentada.

________________________________________________

Muevos orarios emisión: Domingos 09’30, Lunes 12’05, Lunes 22 hs. (Onda corta), España
La «Emisión Sefarad» es un programa kultural de radio, en lingua sefardí o djudeo-espanyol, que se siente kada lunes enverso Oriente Medio i Mediterráneo i los martes enverso América Norte i Sur. Sefarad es uno de los nomvres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan. Rajel Barnatán, apareja i prezenta las emisiones i sus kontenido por entero: entrevistas, presonajes, folklor i múzika de ancha diversidad, aktividades, tradisiones, literaturas i una lingüístika atada a la kultura ke tyene sus raízes en Espanya. Ansí «Emisión Sefarad» guadra el trezoro poétiko de los S X al XII en uno de los grandes patrimonios kulturales entregados a la umanidad. Ansiemzmo la kreasión kontemporánea arrebive en muestros días i atira el intereso de oyentes de diversos lugares i paízes.

Check Also

Las fábulas de Aesop: «El Pastor i las Kavras Salvajes» trezladado por Roz Kohen i Aaron Shapiro

Un día, un Pastor estava kon su revanyo de kavras i en supito empesó una …

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.