eSefarad Noticias del Mundo Sefaradi
Keridos amigos i amigas
Vengo de meldar unos artikulos ke aparesieron en un Journal Judio tratando de un projekto mundial konektado kon el dia de Shabat ke toma lugar el 24/25 de Oktubre
Esto es lo ke fue eskrito.
Saludes a todos.
EL PROJEKTO DE UN DIA DE SHABAT
Es uniko i forma parte del Movimiento de la Identidad Judia kon la idea de unir a todos los Judios por un dia entero de Shabat ke sera observado segun la Halaha. Esta idea orijino en Sud Afrika ande ay una Komunidad Judia diversa. Se van a meter enjuntos para observar un Shabat kompleto.Para munchos esto se va azer por la primera vez en sus vidas.Esto va tomar lugar al nivel internasional el 24/25 Oktubre 2014 en mas de 340 sivdades a traves el mundo kon la majia del Shabat por lo menos por una vez.Existe la posibilidad aki de renovar i rejuvenar la famiya i la komunidad.Restorar el orgullio Judio de la identidad i krear union entre los Judios a traves el mundo.El projekto se basa sovre 5 prinsipios.
- Ser todos unidos.
Aki vamos a seguir el prinsipio ke todas las ideolojias, affiliasiones kon sus differensias politikas pueden ser metidas del lado, kreando un union interkommunitario en el pais i al extranjero. - Utilizar el Poder de Shabat.
Shabat en si mismo tiene un aspekto fisiko profundo,unas emosiones ke krean una rejuvenasion espiritual.Esto se nesesita mas en el Mundo Moderno kon el bombardeo de la teknolojia i de los gadjetes.Shabat nos permete de meter del lado un tiempo para estar kon la famiya i los amigos i de mirar al dentro de nuestro mundo . - Tratarlo komo un Movimiento Sosial.
Shabat ya es un Movimiento Sosial i kaie en el Sentro.Kon sus organizasiones kommunales i sus parteneros este movimiento se mete en marcha por el Puevlo i para el Puevlo. - Tratarlo komo una experiensia pura.
Aki se demanda de observar un Shabat entero segun las leyes de la Halaha.Shabat fue guardado por miles de anios de esta manera.De ayi vino la fuerza i la inspirasion. - Solamente por un dia.
Porke es solamente un Shabat, la djente seran prontos a kometersen, esto dura un tiempo korto. Ademas es un projekto nuevo ke attira a la djente.
——————————
IR ADELANTRE [Presentado por Vic Alhadeff del»Jewish Board Of Deputies»]
En serka, miles de Judios en Sydney,Melbourne,Adelaide,
Este projekto nos enkoraja de manera metaforika a avrir la Mesa de Shabat a otros miembros de la Kommunidad Judia.Pensar ke esta mesa se puede avrir mismo afuera de la Kommunidad Judia.Tener la praktika de invitar a los amigos i las kolegas al Pranzo de Noche de Shabat.Sera la manera de angajarnos kon otros i de romper las barrieras ke existen entre grupos diversos.Konstruir puentes i kompartir nuestros kostumbres i tradisiones en un entorno mas amable.Esto no es nuevo i la idea se praktikava en la antikuedad kon el nombre»HASHANAT ORCHIM/Anio de invitados». Abraham i Sarah lo avian echo en primero en avriendo sus tiendas a otros de manera inesperada.Lo mismo se izo en la Tradision Hellenica de»Philoxenia/Hospitalidad».
oy nos topamos en un klima de tension muy elevada.ay un nivel de disturbio del Anti-Semitismo.Una manera de redusir sus effektos es de ser konnektados a otros.De azerlos ver ke malgrado las differensias ke tenemos,tenemos tambien unas similaridades..El Ex-Grande Rabbino»Jonathan Sacks»disho»No abasta sentar i avlar.ay ke krear una konneksion signifikante,sea kultural o simplemente meterse en el pranzo.»Es una kosa ke benefisia a todos.
«Benjamin Franklin «lo desia»Digame i me lo olvido.Enseniame i kisas me lo akodro.Enterrame en esto i asi ke aprendo».
Tradusido por Shimon Geron, Sydney
