EL PLAZER DE SER VIEJO trezladado por Simon Geron

Keridos amigos i amigas

Saludes a todos

——————————————————————————-

EL PLAZER DE SER VIEJO

SI LA VIDA KIERE INKOMODARTE NO AY NADA MEJOR KE LA MUERTE.Sovre todo kuando se aserka uno mas de esto.Piedres tus fuersas, tu mundo se aze estrecho,todo lo ke te dava plazer i satisfasión antes se va.Malgrado esto la alegria esta kon ti mizmo mas ke antes.En un sierto sentido muestra djuventud i el tiempo mediano de la vida, reprezentan un entrenamiento para el plazer inesperado de la viejes.

El psikologista Alan D.Castel de la Universidad de California/Los Angeles dize en su livro muevo»Better with Age: The Psychology Of Successful Ageing»ke a dos grupos uno de 30 i el otro de 70 anyos,les demanda el kel era mas feliz .Salio ke el de 70 estava arriva de la lista.Los psikologistas,antropologistas i otros investigadores avian topado lo mizmo.La vejez en jeneral no se define en tristeza i regretos.Ma en paz,gratitud i satisfaksión.Se ve ke los viejos son mejores en lo ke se trata de «Terror Management Theory» ke es konstruktivo i una afirmasión del obligatorio.Esto signifika»Me vo a morir.? Ke ay de muevo.? Entretiempo tengo a mis nietos.»

Otra koza sorprendente es la edad mediana ke parese alegre tambien. Jonathan Rauch reporto en su livro «The Happiness Curve» ke la satisfaksión de la vida era atada al kamino de»U»Shape». Las dos partes altas se pasan entre la chikez kuando el mundo es un Parke de Atraksiones i la vejes kuando aviamos echo todo mil vezes i estamos kontentes a verlo. Es en los 40 o 50 kuando muestra fuersa, muestro potensial i produktividad están en el estado el mas alto i mos sentimos orozos.Es el punto sublime. El»U»es djusto,a traves las naiones. Aze chenso. Toda esta fuersa i produktividad nesesita ke sea mantenida en lavoros grandes.Pero mos viene djusto kuando estamos basho presiones komo engrandeser a las kriaturas i pagar las devdas.En las dekadas sigientes esto se troka.

La kuestión ke nunka se realiza totalmente,es el «goal»ke uno tiene.Puede ser una experiensia pozitiva.Despues de harvarse la kavesa kontra el muro por 40 anyos se yega al punto supremo en el dia de akseptar ke al fin uno es libre de abandonarlo i le aparese komo un reonforte. Rauch dize ke ay la kapasidad de normalizar la kriza.La vida es una seria de tempestades experimentales.Unas buenos i otros malas.Se gana en el amor i se piedre en el amor. Ay kazamiento i divorsio, empiego muevo i empiego perdido. Kada koz a tiene su efekto sovre el individuo en primero. Ay tambien el business de ser un savio.En terminos de evolusion kualkiera espesia ke espera kedarse en vida deve saver dirijir sus rekursos.En primero la komida i otras kozas ke se van a los ke produsen,ke se gerrean,ke kazan,plantean i konstruyen,Se van a las kriaturas i no keda tanto para los viejos ke konsumen mas de lo ke kontribuyen.

Mizmo antes ke la medisina moderna alargo la vida, famiyas ordinarias tenian avuelos i bisavuelos. Lo ke konsumían eyos en material lo davan atras en la manera de azer suvir el moral en tiempos malos. Al empesijo la saviduría parese a una koza ke no se alkansa. Una vez ke la tienen les permite a ser lojio. Si la muerte no negosia se puede azer ke venga mas tadre.

Es una mersed ke al yegar al fin munchos yegan ayi mas intelijentes, kalmos i en riendo.

Trezladado por Shimon Geron.
Australia

Fuente: Sefaradimuestro