eSefarad Noticias del Mundo Sefaradi
Keremos dar la bienvinida i muestras felisitasiones al grupo de «Demanyanadas en Ladino» ke tuvo su primer enkontro en Rio de Janeiro, Brazil, i a muestra amiga Stella Garber, su organizadora, ke la konosimos en Buenos Ayres kuando fue el enkontro de Ladinokomunita del 2009.
Stella mos mando fotos del primo enkontro del grupo, ande vemos a Cecila Fonseca Silva, asentada (kon antojos), i detras de eya, kon bluza blu, Stella Garber, de otras senyoras no tenemos los nombres, ma nos pueden mandar ken son a los ke saven.
Stella esta reuniendo personas de la WIZO, originarios de Turkia, ya fue la prima reunion para poder aprontar todo.
La mayorita del grupo son de Istambul, Gresia, Ismir, 2 o 3 son kazadas kon turkos.
El proksimo enkontro sera, si kere el Dio , el dia 13 de Avril a las 10.30 en la sede de la WIZO, Avenida Princeza Izabel 323, Sala 1101, en pleno Copacabana.
Todos ke esten serka estan konvidados a partesipar.
¡Auguramos a este grupo reushitá buena, ke sean sus miembros pujados i no menguados!
Gracias kerida Lilian por tu carinio, muy bien echo,
Ojala muchas personas de Rio vean tu articulo y se djunten a mosotros
Moadim lesimha, Pessah alegre para todos los lectores de E Sefarade ke me enamoro de leer los articlos tan interesantes, y me abolto al passado kon mis padres.
abrasos, Stella de Rio de Janeiro
Reushita buena ke tengash.
Buscando raíces encuentro este grupo que se está organizando en Turquia. Visitaré este pais con mi hermana en octubre , y estoy buscando algún familiar de mi familia materna. Hay alguna posibilidad de que me orienten? Conozco el apellido Mordo y por supuesto el mío Zarcón, también la posibilidad Vitas. Mi abuelo vino a Argentina en el año 21 con pasaporte de Constantinopla, pasaporte que tengo en mis manos. Las fotos de internet corresponden a mujeres que tienen mi edad y pensé que podría ser interesante el vínculo. Aquí se fue perdiendo el ladino que hablaba mi abuelo y también mi madre en la medida en que fallecieron nuestros viejos, y nosotros quedamos con la melancolía de su música y los recuerdos. Un abazo a todos ustedes. Leer en esa lengua me llegó al corazón. Gracias. Sary