“Antolojía de Kuentos Sefaradíes” Kapítolo I: Kuentos de Kulli: 19. EL IJO EN LA ESPALDA por Liliana Benveniste

Ver todos los artículos de esta sección

“Antolojía de Kuentos Sefaradíes”
Kuentos traskritos por Liliana Tchukran de Benveniste del livro “Antologia de Cuentos Sefaradíes” de Pascual Pascual Recuero, 1979

———————————————————–

19. EL IJO EN LA ESPALDA

 

Un ijo estava sovre el ombro de su padre i iva kaminado kon el, i todo lo ke via pazar, le demandava a su padre i le iva merkando, kuándo peras, kuando mansanas, i resto de frutas i regalos. Vido pazar un ombre; le demandó:

-¿Vites a mi padre?

Entonses se araviyo su padre, diziendo:

-Yo te tengo sovre mi ombro i todo lo ke demandas te vo merkando, i agora demandas: «-¿Vites a mi padre?».

I ansi, de la raviya ke sintio, lo echo de su ombro en basho, i vino el pero i lo modrio.

—————————————–

Por duvdar le Yavé les de ayuda (Ex 17-7), tuvieron los djudiyos ke sufrir el atake de la gerrera de los amalesitas; por desagradesidos, aresivieron su kastigo, komo el ninyo del kuento, arekojido al espesijo del Midrash Tamhuma (Yitró), i eskrito en el folio 165d de la version en ladino ke uzamos.

—————————————–

Kuento trezladado de la notasión fonetika a la notasion AY (Aki Yerushalayim) por Liliana Benveniste del livro “Antología de Cuentos Sefaradíes” de Pascual Pascual Recuero, 1979 – Kapítulo I: Kuentos de Kulli