“Antolojía de Kuentos Sefaradíes” de Pascual Pascual Recuero – Kapítolo VI – Kuentos de Pontrémoli: 79. EL KAMINANTE KANSADO trasliteración de Liliana Benveniste

Ver todos los artículos de esta sección

“Antolojía de Kuentos Sefaradíes”
Kuentos traskritos por Liliana Tchukran de Benveniste del livro “Antologia de Cuentos Sefaradíes” de Pascual Pascual Recuero, 1979

 

———————————————————–

79. EL KAMINANTE KANSADO

Un ombre estava kaminando por kamino, i se kansó muncho de kaminar kon sus pies, ke no tenia azniko; disho:

-Yehi Ratzón ke me manden un azniko de los sielos.

Akea ora pasó por ayí una presona ke le parió su aznika un azniko, le disho a este:

-Toma este azniko; kargale en tu ombro, ke nasió agora.

I no tuvo remedio, i le kargó en su ombro. disho:

Esto me lo kulpe yo, ke no demndé klaro ke me aparejen de los sielos un azniko para suvirme yo a él, i siendo avlé serado, me aparejaron un azniko para kargarlo yo sovre mi ombro.

—————————————–

Ambeza este kuenteziko ke los pedidos i rogos deven ser muy klaros, komo la orden de Asuero para ke los djudios se aprontaran para «vengarse de sis enemigos» (Est 8-13). Afigura en la oja 156a de la prima edision en Ladino, i pp. 369-370 de la trezera, kon referensia ebrea en el Midrash i Megilat Setarim, i pp. 370-371 de muestra trasliterasion impresa ya sitada.

—————————————–

Kuento trezladado de la notasión fonetika a la notasion AY (Aki Yerushalayim) por Liliana Benveniste del livro “Antología de Cuentos Sefaradíes” de Pascual Pascual Recuero, 1979 – Kapítulo VI: Kuentos de Pontrémoli.