eSefarad Noticias del Mundo Sefaradi
La kesyon etika de la desisyon de produzir una bomba nuklear fue objekto muy importante de debate entre los propyos sientifikos i entre los sientifikos i los politikos. Kuando a Lise Meitner le ofresieron de aunarse al Projekto Manhattan, eya refuzo dizyendo ke no kere tener dingun dar i aver kon la bomba.
En los empesijos de 1945, kuando ya se saviya el destino da Almanya la nazista, ma el projekto Manhattan estava kontinuando, Szilard torno a Einstein i le rego a askrivir sigunda letra al prezidente, esta vez para detener la bomba. La letra fue enviada, ma Roosevelt no alkanso a responder. Muryo en el 12 de avril.
Finalmente, gano la opinion de «El mundo deve de konoser el poder destruktivo de esta bomba». La bomba fue echada a Japón en agosto, aun ke Alemania se rendyo en mayo.
«El prenyado es una bomba, el parir una historia, el engrandeser es fierro de mashkar… »
Albert Israel
Yerushalayim
Shefe del Sirkolo para Prezervar i Promover la Kultura Sefaradi
