eSefarad Noticias del Mundo Sefaradi
Keridos amigos i amigas
Saludes a todos
7 TIPOS DE GRANOS I LA FABRIKASION DEL KOVRE
Las eskavasiones fueron echas en TIMNA enkavesadas po r»Dr.Erez Ben Yosef» i revelan ke en kondisiones del arido,unos textiles fueron bien preservados por 3000 anios en kolores,designos i orijines differentes.
Estos materiales organikos kontenian tambien el kuero i unos artifektos muy raros mostrando la kultura del tiempo.
Los textiles nos dan una idea sovre una sosiedad komplexa de los EDOMITES,un puevlo semi nomad ke lavoro en las minas. Segun la Seniora».
Orit Shamir» investigadora de la Autoridad de Antikuedad las ropas son de dimension 5X5 sentimetros en kolores i teknikes differentes.Unas paresen a lo ke se azia en la Era Romana.
En otros sitios de exkavasion komo Megiddo, Hazor i Jerusalem no se vido este tipo de ropas. Avian unos textiles viniendo de sakos, ropas, kuedras i tiendas. Segun lo ke esta eskrito en la Biblia los Edomites se harvaron kontra el Reinado de Israel.
Kon el progreso ke se esta aziendo en la siensia i la teknolojia se puede azer investigasiones ke no se puedian azer antes.
Unas kosas apartenian a la djente de la Klase Alta, Eyos eran responsables para azer dezazer el kovre ke es un proseso diffisil,tornando la piedra al metal. Toparon ayi los 7 granos konsiderados komo indijenos de esta rejion.
Se pudo rekonstruir el vino tipiko del tiempo del Rey David. Estos granos eran bien preservados. El kovre era un resorse de valor grande en las sosiedades antiguas. Azian instrumentos i armas de esto.Ma tenian menester de expertos en la matiera. Los mineros puedian ser esklavos o prisonieros lavorando en kondisiones duras.El kovre representava rikezas komparable al poder del petrolio de oy. Si uno savia krear el kovre lo tratavan komo un jenio.Seria visto mismo komo un Ser Surnatural.
——————————————
Trezladado por Shimon Geron. Sydney
Fuente: Ladinokomunita
Interesantismos descubrimientos llevados a cabo en Israel, cuya reseña debemos a nuestro Kerido y admirado Shimon Geron, asi como las numerosas y valiosas aportaciones en ámbitos bien distintos, relacionados con Israel y el pueblo judio, las cuales resultan siempre enormemente ilustrativas y provechosas … Gracias pues aél, por compartinos informaciones tan relevantes
!!!Pesaj Sameaj para todos !!!