eSefarad Noticias del Mundo Sefaradi
El sentro ladino al nombre de Gaon va selebrar en dia de martes 25 de Enero 2011
su septimo anyo de aktividad en el kampo de muestra kultura sefaradi.
La tadrada tomara lugar en la Universidad de Beer Sheva a las 18:00 hs.
En la reunion van a tomar la palavra los Profesores Tamar Alexander, Rivka Carmi,
Zvi HaCohen i David Newman.
Despues de eskuchar una kantiga de boka de la kantadera Sara Raz, va avlar el Sr. Yitzhak Navon, el prezidente de la Autoridad Nasionala del ladino i su kultura.
Unas kuntas projeksiones del filmo «De Toledo a Yerushalayim» i memorias de
Yehoram Gaon sovre su chikez en Yerushalayim.
Dos bekas sera otorgadas a estudiantes distingidos: la una de parte de la Sra. Rahel Gaon a la memoria de Benni Gaon, i la otra del Fondo Recanati a la memoria de Nissim Gomel.
El moderador sera el Sr. Boaz Gaon, el prezidente del Sentro.
El koro «Tslile Ladino» va finir la tadrada kon sus kantes.
Para resivir bilyetos de entrada (gratis), eskrivid
gaon@bgu.ac.il
Fuente: Yehuda Hatsvi
