eSefarad Noticias del Mundo Sefaradi
Muestro amigo Daniel Benbaneste de Estambol mo mando estas shakas para alegrarmos i riyir.
LA VIEJA STA YORANDO
Kuando sali de mi echo, oy a la mediodia, enkontri en el park, una viejezika; asentada en un banko. Eya estava yorando, alimpiando los ojos i murmuriando.
Me kedi al lado i le demandi, kualo era el problema.
Eya me disho:
«Tengo un marido de 22 anios en kaza. Kada demanyana el me aze los amores, despues se alevanta i mos apareja el dezayuno: pankekes, sarsichas, fruta freska i kafe molido fresko»
Yo le dishe: «Bueno, deke es ke stas yorando?»
«El me aze kada dia supas de kaza para el almorzo, me aze los biskochos i despues me aze amores todo’l tiempo fina la tadre»
Yo le dishe: «Bueno, deke es ke stas yorando?»
«Para el senar me aze una komida de gurme kon vino i kon mi komposto preferado. I despues me aze los amores fina las dos de la demadrugada»
Le dishe: «Bueno, deke es ke stas yorando?»
I eya me dize: » Es ke no me esto akodrando, onde moro!»
GLORIA I RESPEKTO A LOS OMBRES
– Los ombres son komo las vakansas, no turan muncho
– Son komo la banana, se ablandan kon la aedad
– Son komo las klimas o el tiempo, no se pueden trokar
– Son komo el kafe; los mas mijores son kaentes i vos pueden tener despiertas noche entera
– 
Eyos son komo las kampanias publisitarias; no te kreygas ni en una palavra de lo ke te dizen
– Son komo un kuento de banka; los ke no tienen moneda, no trayen nada
– Son komo popcorn; lo ke dan satifaksion es solamante por un kurto tiempo
– Son komo las furtunas de inyeves; nunka no se puede saver kuando vienen i kuanto tiempo van a kedar
– Son komo la makina de kopiar, lo ke valen es solamente para la multiplikasion
– Son komo los lugares de aparkamiento, los buenos ya son tomados o okupados i los otros no valen a nada
Gracias a Daniel Benbaneste, por hacernos párticipes a todos, de esta divertida historieta y del refran que la acompaña …! Realmente Delicioso !…