Poezia: LADINO LINGUA KERIDA de Liliana Benveniste

LADINO LINGUA KERIDA
Liliana Benveniste
21.01.2021

Ladino mi dulse lingua
Tu mos azes rekodrar
Muestra fe i muestra vida
La muestra istoria djudya.

En ti enkontramos palavras
Para riyir i yorar
Para kontar de amores
De hales i de amistad

Tu sos muestra alegría
En ti muestra tradision esta
Mis penseríos en ladino
Mi boka los kitara

No te amató el tiempo
Ni la gerra ni la Shoa
Tu sos la kandela sola
Ke muestra alma giará.

Ladino lingua kerida
Sos rekodros de la vida
De chikez, de konsejikas
De refranes i shakaikas

Kada día tu enfloreses
Mos abrasamos a ti
Te kudiamos, te ambezamos
No te deshamos murir

Ladino lingua kerida
Kuando pensamos en ti
Mos traversa un ayre la alma
Ke mos aze sunreyir.