eSefarad Noticias del Mundo Sefaradi
ZIMBUL
Vino la primavera.
El sol kaenta la tierra.
Kresieron las primeras flores.
Entre eyas – los zimbules.
ZIMBUL es el nombre de mi madre.
Por eya, la flor me akodra.
Los zimbules ermozos mueren
i al otro anyo yene kresen.
Mi madre zimbul se murio i de la tierra mas no se alevanto.
Kuando veo ZIMBUL mavi,
el korason me se arranka, mama, por ti.
——————————————————————————
Grasia Jak Albuhayre
Livro Nº 3 – 2012
Sofia – Bulgaria
Gracia Jak Albuhaire es de Karnobat- sivdad chika en Bulgaria. Era profesora, jurnalista. Eskrive poezia i proza en bulgaro i poezia en djudeo- espanyol. Eya partisipa aktivamente en el klub “Ladino” de Sofia, Bulgaria.
