eSefarad Noticias del Mundo Sefaradi
YERUSHALAYIM
Yerushalayim de oro
yene te kero ver.
La ermozura tuya adoro.
La istoria tuya devo saver.
Kero entrar en tu teatro grande.
Kero estar en la universidad.
Asentarme en tus guertas bastante,
livros por Israel meldar.
Yerushalayim, tu istoria es larga.
muncho males por tu vida pasaron,
romanos, arabos, armadas grandes
ma sivdad linda, de Israel kedates.
YERUSHALAYIM DE ORO
TE ADORO.
——————————————————————————
Grasia Jak Albuhayre
Livro Nº 3 – 2012
Sofia – Bulgaria
Gracia Jak Albuhaire es de Karnobat- sivdad chika en Bulgaria. Era profesora, jurnalista. Eskrive poezia i proza en bulgaro i poezia en djudeo- espanyol. Eya partisipa aktivamente en el klub “Ladino” de Sofia, Bulgaria.
