eSefarad Noticias del Mundo Sefaradi
POEZIAS
Yo amo la klaredad.
Yo no so fanatika.
Yo so persona,
ke skrivo kantikas.
Amo todos los puevlos.
Amo la libertad i el sol.
Los arvoles i las flores
son mi grande amor.
Dizen ke so poetisa,
No se si es verdad.
Yo skrivo poezias
por la pas i la amistad.
——————————————————————————
Grasia Jak Albuhayre
Livro Nº 3 – 2012
Sofia – Bulgaria
Gracia Jak Albuhaire es de Karnobat- sivdad chika en Bulgaria. Era profesora, jurnalista. Eskrive poezia i proza en bulgaro i poezia en djudeo- espanyol. Eya partisipa aktivamente en el klub “Ladino” de Sofia, Bulgaria.
