eSefarad Noticias del Mundo Sefaradi
LAS KRIATURAS KE NO KRESIERON
En una ekspozision dokumentala
por los anyos males de la Shoa,
de la stampa me miravan ojos sin kulpa,
kriaturas- flakas komo solombras,
muriendo de ambre- komiendo yervas.
Estas kriaturas no kresieron.
Las entosegaron, las mataron, las kemaron.
Gritos, yoros, flamas…
Solo en la stampa kedaron,
las kriaturas, ke no kresieron.
——————————————————————————
Grasia Jak Albuhayre
Livro Nº 3 – 2012
Sofia – Bulgaria
Gracia Jak Albuhaire es de Karnobat- sivdad chika en Bulgaria. Era profesora, jurnalista. Eskrive poezia i proza en bulgaro i poezia en djudeo- espanyol. Eya partisipa aktivamente en el klub “Ladino” de Sofia, Bulgaria.
