eSefarad Noticias del Mundo Sefaradi
LA SHOA
La Segunda gerra mondiala
era preta para el mundo entero.
Mas preta i kruela
los djidyos la sintieron.
La istoria siempre va kontar,
komo pudo Hitler, djidios sin kulpa matar!
Kriaturas del pecho de la madre arrankar,
Sesh miliones mujeres, ombres, mansevos,
eshalones uno atras de otro los yevaron.
Los entosegaron, los kemaron, los mataron,
de eyos shavon azyeron.
Las madres muriendo- sus kriaturas yamando.
Eyos muertos no estavan avlando.
Estas manzias no se pueden olvidar.
Siempre en el korason la yaga va kedar Maidenek, Osvientzim, Treblinka…
No los vamos olvidar nunka.
Mansevos del mundo entero deven saver
fashistos i gerra ke no deshen aver.
——————————————————————————
Grasia Jak Albuhayre
Livro Nº 3 – 2012
Sofia – Bulgaria
Gracia Jak Albuhaire es de Karnobat- sivdad chika en Bulgaria. Era profesora, jurnalista. Eskrive poezia i proza en bulgaro i poezia en djudeo- espanyol. Eya partisipa aktivamente en el klub “Ladino” de Sofia, Bulgaria.
