eSefarad Noticias del Mundo Sefaradi
HANUKA
Asendimos las kandelikas de Hanuka,
traeron muncha, muncha klaridad.
Un ombre konto la istorya de la fyesta,
agora asperamos klaridad en la vida
muestra.
Ke no aiga antisemitos en la tierra,
ke sera la vida para todos buena.
El puevlo djudio muncho travo,
munchos males su kavesa paso.
Agora arogamos ke no aiga atentatos i gerra.
Ke aiga paz i amistad en la tierra.
Mos alumbran las kandelas de Hanuka.
Mas mos alumbra de Israel la klaredad.
——————————————————————————
Grasia Jak Albuhayre
Livro Nº 3 – 2012
Sofia – Bulgaria
Gracia Jak Albuhaire es de Karnobat- sivdad chika en Bulgaria. Era profesora, jurnalista. Eskrive poezia i proza en bulgaro i poezia en djudeo- espanyol. Eya partisipa aktivamente en el klub “Ladino” de Sofia, Bulgaria.
